Përditësimi i fundit: 30 Janar 2025.
Mirë se erdhët! Më poshtë janë kushtet e përdorimit që rregullojnë përdorimin tuaj të faqeve, aplikacioneve celular, platformave Vivere, duke përfshirë pa kufizim faqen e internetit www.vivere.al (kolektivisht, “Platforma Vivere”), dhe blerjen, posedimin ose përdorimin tuaj të çdo bilete të Platformës Vivere, gjithashtu të çdo produkti, ose shërbimi të kësaj Platforme. Ju lutemi i lexoni me kujdes këto kushte përpara se të përdorni shërbimin tonë, të aksesoni, të shfrytëzoni ose të merrni ndonjë material, informacion, produkte ose shërbime. Duke hyrë në Faqen e Internetit të Vivere (FIP), në aplikacionin në celular ose tablet, ose në ndonjë medium apo platformë tjetër (së bashku “Faqja Jonë e Internetit” ose “Platforma Vivere”) ju bini dakord shprehimisht që t’i respektoni këto kushte, siç ato mund të ndryshohen herë pas here.
Interpretimi
Fjalët me gërmën e tyre të parë të madhe kanë kuptimet e përcaktuara sipas kushteve të mëposhtme. Përkufizimet e mëposhtme do të kenë të njëjtin kuptim pavarësisht nëse shfaqen në njëjës apo në shumës. Përkufizimet Për qëllime të këtyre Kushteve:
Këto janë Kushtet që rregullojnë përdorimin e këtij Shërbimi dhe kjo është marrëveshja që rregullon marrëdhënien juridike ndërmjet Jush dhe Shoqërisë. Këto kushte përcaktojnë të drejtat dhe detyrimet e të gjithë përdoruesve për përdorimin e Shërbimit. Hyrja juaj në Shërbim dhe përdorimi i tij kushtëzohet nga pranimi dhe respektimi i këtyre Kushteve nga Ju. Këto Kushte zbatohen për të gjithë vizitorët, përdoruesit dhe të tjerët që hyjnë apo përdorin Shërbimin. Duke hyrë ose duke përdorur Shërbimin Ju pranoni të respektoni dhe të jeni të lidhur juridikisht nga këto Kushte. Nëse nuk jeni dakord me ndonjë pjesë të këtyre kushteve, atëherë nuk mund të hyni në Shërbim. Duke hyrë ose duke përdorur Shërbimin Ju deklaroni se jeni të paktën 18 vjeç. Hyrja në, dhe përdorimi i Shërbimit prej Jush kushtëzohet gjithashtu nga pranimi dhe respektimi nga Ju i Politikës së Privatësisë së Kompanisë. Politika jonë e privatësisë përshkruan politikat dhe procedurat tona për mbledhjen, përdorimin dhe zbulimin e informacionit Tuaj personal kur përdorni Platformën, Aplikacionin ose Faqen e Internetit dhe Ju informon për të drejtat Tuaja të privatësisë dhe mënyrën se si Ju mbron ligji. Ju lutemi lexojeni me kujdes politikën Tonë të privatësisë përpara se të përdorni Shërbimin.
Duke bërë një Porosi për Mallra nëpërmjet Shërbimit, Ju garantoni se jeni ligjërisht në gjendje të lidhni kontrata me detyrime dhe se jeni të paktën minimalisht në moshën 18 vjeç.
Nëse dëshironi të bëni një Porosi për Mallrat e disponueshme të Shërbimit, do t'ju kërkohet të jepni disa të dhëna të rëndësishme për Porosinë tuaj, duke përfshirë, pa kufizim, emrin dhe mbiemrin tuaj, adresën tuaj të postës elektronike, numrin e telefonit / celularit dhe Vendin tuaj të origjinës dhe / ose vendin nga ku po bëni porosinë, numrin e kartës suaj të kreditit, datën e skadimit të kartës së kreditit, adresën tuaj të faturimit dhe / ose informacionin e transportit. Ju deklaroni dhe garantoni se: (i) keni të drejtën ligjore të përdorni çdo kartë krediti ose debiti ose mënyra të tjera të pagese për çdo porosi; dhe se (ii) informacioni që na jepni është i vërtetë, i saktë dhe i plotë. Që këtu e tutje, të gjitha këto informacione do t'i trajtojmë si rreptësisht private dhe konfidenciale dhe do të ndërmarrim të gjitha hapat e nevojshëm për të ruajtur konfidencialitetin e tyre. Nuk do të përdorim, kopjojmë ose ruajmë ndonjë informacion të tillë në një kompjuter të jashtëm të aksesueshëm ose një sistem të ngjashëm, as do ta transmetojmë atë brenda ose përmes ndonjë sistemi të tillë. Do ta përdorim një informacion të tillë për qëllimin e lejuar dhe për asnjë qëllim tjetër dhe veçanërisht, por pa kufizime, nuk do të përdorim asnjë informacion të tillë në mënyrë që të sigurojmë ndonjë avantazh tregtar mbi kompaninë. Me dorëzimin e një informacioni të tillë, Ju na jepni të drejtën për të dhënë informacionin tek palët e treta për përpunimin e pagesave për qëllime të lehtësimit të përmbushjes së Porosisë tuaj. Ne do të lejohemi t'i zbulojmë këto informacione tek palët e treta/punonjësit përgjegjës për kryerjen e pagesave dhe për ata këshilltarë ligjorë dhe financiarë, për të cilët në secilin rast zbulimi është i duhur dhe i nevojshëm për qëllimin e lejuar. Do të sigurojmë që personat që marrin informacionin dhe çdo person tjetër, të cilit i është bërë një zbulim i tillë, t’i përmbahen kushteve të kësaj marrëveshje sikur të ishin palë. Do të mbajmë një evidencë të informacionit që na është dhënë ne dhe personave të tjerë të cilëve i është bërë një zbulim i tillë, dhe vendndodhjen e një informacioni të tillë dhe të çdo personi që disponon një informacion të tillë.
Do të merrni një email dhe kupon konfirmimi menjëherë pasi të keni bërë porosinë/rezervimin. Ju gjithashtu jepni miratimin të merrni mesazhe të ndryshme në postën elektronike apo telefonata nga ne, për informacione të rëndësishme dhe të dobishme që lidhen me rezervimin/porosinë tuaj. Në rast se nuk do t’ju vijë email nga ne, ju lutemi të kontrolloni folderin Spam/Junk ose të na njoftoni me email.
Në rast të shtyrjes së koncertit/festivalit/eventit për shkak të forcave madhore, pandemi, shtyrje e datës nga artisti/grupi për arsye personale ose shëndetësore, urdhra ekzekutiv nga Institucione Shteterore për shkaqe sigurie publike, si dhe çdo lloj problematike që e bëjnë realizimin e shfaqjes të pamundur për arsye objektive dhe/ose organizative, Shoqëria rezervon të drejtën për të ndryshuar datën, orën dhe vendin e mbajtjes së koncertit/festivalit/eventit, duke njoftuar publikun përmes mediave të komunikimit masiv. Në këtë rast biletat janë të vlefshme ashtu siç janë dhe nuk anulohen dhe as rimbursohen. Shtyrjet e koncertit/festivalit/eventit nuk kanë numër të kufizuar apo përcaktuar dhe mund të shtyhen sa herë ka arsye që nuk lejojnë zhvillimin e koncertit/festivalit/eventit. Gjithashtu, Shoqëria rezervon të drejtën për të ndryshuar programin e koncertit/festivalit/eventit.
Ne rezervojmë të drejtën të refuzojmë ose të anulojmë Porosinë Tuaj në çdo kohë për disa arsye duke përfshirë por pa u kufizuar në: • Disponueshmërinë e Mallrave; • Gabimet në përshkrimin ose çmimet e Mallrave; • Gabime në Porosinë Tuaj; • Shkaqe të tjera të arsyeshme. Rezervojmë të drejtën e refuzimit ose anulimit të Porosisë Tuaj nëse dyshojmë për mashtrim apo transaksione të paligjshme ose të paautorizuara. Në rast ndërprerjeje apo anulimi të festivalit/koncertit/eventit për shkak të forcave madhore, të paktën 20 (njëzetë) minuta pas fillimit të festivalit/koncertit/eventit, ky i fundit dhe shërbimi i blerë nëpërmjet biletës konsiderohet i shteruar dhe nuk përsëritet. Në këtë rast, biletat nuk rimbursohen sepse shërbimi konsiderohet i dhënë dhe i përfunduar.
Mallrat që do të blihen mund të kthehen / anulohen vetëm në përputhje me këto Kushte. Ju lutemi i lexoni këto Kushte për të mësuar më shumë rreth të drejtës suaj për anulimin e porosisë / prenotimit tuaj. Pavarësisht nga ndonjë arsye apo shkak, anulimet sjellin si rezultat tarifa të kushtueshme për Ne që mbulojnë gjobat dhe tarifat. Për rrjedhojë, për anulimet do të zbatohen gjobat dhe tarifat e mëposhtme. Në rast se nga ana e Shoqërisë miratohet rimbursimi i biletës së hyrjes në festival/koncert/event, ky rimbursim do kryhet jo më vonë se 90 ditë nga përfundimi i festivalit/koncertit/eventit për të cilin po anullohet bileta, dhe në asnjë rast nuk përfshin Komisionin. Shoqëria nuk rimburson dhe as zëvëndëson biletat e vjedhura apo të humbura. Në rast të një moti shumë të keq, epidemi, pandemi, shtyrje e datës nga artisti performues, ose për shkak të mungesës së paparashikuar të stafit të duhur, ne mund të anulojmë një festival/koncert/event, në këtë rast do të rimbursojmë plotësisht vetëm biletën tuaj me dorëzimin e saj te ne. Nuk do të ketë asnjë rimbursim dhe/ose kompensim/shpërblim përtej vlerës së paguar për biletën dhe vetëm për biletën, e cila përjashton Komisionin i cili nuk kthehet dhe nuk rimbursohet. E drejta juaj për të anuluar një Porosi zbatohet vetëm për Mallrat që janë kthyer në të njëjtën gjendje që i morët nga ne. Duhet gjithashtu të përfshini të gjitha udhëzimet e produkteve, dokumentacionin dhe ambalazhimin. Nuk do të rimbursohen Mallrat që janë dëmtuar ose jo në të `njëjtën gjendje që i morët ose që janë konsumuar përtej hapjes së ambalazhimit origjinal. Prandaj, duhet të tregoni kujdes të arsyeshëm për Mallrat e blera ndërkohë që janë dhe nëse janë në zotërimin tuaj. Nëse do të bëhet rimbursim, atëherë ai bëhet në përputhje me të gjitha procedurat dhe realizohet sa më shpejt që të jetë e mundur, dhe shuma e parashikuar do të transferohet tek e njëjta kartë krediti që është përdorur gjatë rezervimit. Ju lutemi vini re se nuk mund të jemi përgjegjës për vonesat e dorëzimit të rimbursimit në llogarinë tuaj pasi të jetë bërë dërgesa nga ana jonë. Nëse do të bëhet rimbursim, ne do t’ju rimbursojmë jo më vonë se 90 ditë nga dita në të cilën Ne anulluam festivalin/koncertin/eventin. Do të përdorim të njëjtat mjete pagese që përdorët ju për Porosinë.
Ne vazhdimisht i përditësojmë ofertat tona të Mallrave në Shërbim. Mallrat e disponueshëm në Shërbimin tonë mund të jenë me çmime të gabuara, të përshkruara në mënyrë të pasaktë, ose të padisponueshme, dhe mund të kemi vonesa në përditësimin e informacionit në lidhje me Mallrat tona në Shërbim dhe në reklamat tona në faqet e tjera të internetit. Ne nuk mund dhe nuk garantojmë saktësinë ose plotësinë e çdo informacioni, përfshirë çmimet, imazhet e produkteve, specifikimet, disponueshmërinë dhe shërbimet. Ne rezervojmë të drejtën të ndryshojmë ose përditësojmë informacionin dhe të korrigjojmë gabimet, pasaktësitë, ose mosveprimet në çdo kohë pa njoftim paraprak. Në rast të korigjimit të një pasaktësie të lidhur me një shërbim që Ju keni blerë, Ju do njoftoheni në kohën më të shkurtër në lidhje me këtë korigjim.
Shoqëria rezervon të drejtën të rishikojë çmimet e saj në çdo kohë përpara se të pranojë një porosi. Çmimet e cituara mund të rishikohen nga Shoqëria pas pranimit të një Porosie në rast të ndonjë ngjarjeje që ndikon në dorëzimin e mallrave e shkaktuar nga veprimet e qeverisë, ndryshimet në detyrimet doganore, rritja e tarifave të transportit, kostot më të larta të këmbimit valutor dhe çdo çështje tjetër përtej kontrollit të Shoqërisë.
Të gjitha mallrat e blera i nënshtrohen një pagese të vetme, e cila përfshin Komisionin për Shërbimin. Pagesa mund të bëhet me mënyra pagimi të ndryshme që kemi në dispozicion, si p.sh. Kartat Visa, MasterCard, Affinity Card, kartat American Express ose mënyrat e pagesës në internet (për shembull PayPal). Është e rëndësishme të siguroheni që të përdorni emrin dhe adresën siç i është dhënë bankës tuaj sepse herë pas here pagesat nuk bëhen si duhet për shkak të humbjes ose pasaktësisë së informacionit. Në këtë rast, Ne nuk do të jemi përgjegjës për ndonjë vonesë ose mos-dorëzim të Porosisë / Rezervimit Tuaj. Kartat e pagesave (kartat e kreditit ose kartat e debitit) i nënshtrohen kontrolleve të vlefshmërisë dhe autorizimit nga emetuesi i kartës suaj. Nëse nuk marrim autorizimin e kërkuar, nuk do të jemi përgjegjës për ndonjë vonesë ose mos-dorëzim të Porosisë / Rezervimit Tuaj.
Ju mund ta paraqisni Konfirmimin e Rezervimit (Biletën) ose të printuar ose në telefonin celular për festivalin/koncertin/eventin e zgjedhur. Bileta është e vlefshme vetëm një herë dhe deri në datën dhe orën e festivalit/koncertit/eventit të zgjedhur. Ju duhet të regjistroheni dhe të mbani biletën tuaj përgjatë të gjithë festivalit/koncertit/eventit dhe deri në fund të shfaqjes. Pasja e një bilete nuk jep asnjë të drejtë për asnjë shërbim shtesë si ushqim apo pije, të cilat mund të blihen veçmas në shfaqe.
Biletat e blera nuk janë të transferueshme tek palë të treta pas blerjes nga Shoqëria. Rishitja, shkëmbimi dhe çdo formë tjetër tregtimi e biletave është e ndaluar dhe Shoqëria rezervon të drejtën që të anullojë bileta të tilla. Shoqëria ka të drejtën të refuzojë hyrjen në festival/koncert/event nëse biletat e ofruara për shitje në Platformën Vivere i transferohen palëve të treta ose t’i anullojë ato biletat duke ju hequr gjthashtu te drejtën për të pretenduar rimbursimin e shumës.
Ju jeni përgjegjës për mbërritjen në kohë në pikën e njoftuar të takimit për festivalin/eventin/koncertin dhe duhet të paraqisni një kartë identiteti. Nëse vini nga jashtë shtetit, jeni përgjegjës për të pasur dokumentacionin e nevojshëm të udhëtimit (pasaportën, etj.) dhe për respektimin e të gjitha masave paraprake shëndetësore dhe rregulloreve të kërkuara, etj. Pa pasjen me vete të një dokumenti identifikues (kartë identiteti ose pasaportë), Shoqëria mund t’ju refuzojë hyrjen në shfaqje. Ju jeni përgjegjësi i vetëm për fëmijët nga mosha 10 deri në 18 vjeç që i sillni në festival/event/koncert. Shoqëria nuk ka dhe nuk do të ketë asnjë përgjegjësi ligjore dhe / ose financiare për fëmijët nga mosha 10 deri në 18 vjeç që ju sillni në festival/event/koncert. Për fëmijët nga 10 deri në 18 vjeç blihet biletë njësoj si për pjesëmarrësit mbi 18 vjeç. Fëmijët nën 10 vjeç ndalohet të marrin pjesë në shfaqje. Shoqëria mund të refuzojë hyrjen e personave që janë nën efektin e alkoolit dhe/ose të substancave narkotike, që mbajnë me vete shishe ose objekte të tjera të rrezikshme ose lehtësisht të ndezshme, kjo edhe në rastin kur posedojnë një biletë të vlefshme. Gjithashtu i ndaluar është edhe transportimi dhe përdorimi i mjeteve të regjistrimit audioviziv në mjediset e festivalit/koncertit/eventit (për filmimin, fotografimin, regjistrimin e eventit apo sekuencave të tij). Poseduesi i biletës pranon të jetë në dispozicion të kontrollit të sendeve personale (çanta, dosje dhe objekteve të rëndë), në kuadër të rregullorës së mësipërme, si në hyrjen e shfaqjes dhe gjatë qëndrimit të tij e deri në fund të aktivitetit. Publiku/pjesëmarrësit duhet të respektojnë e të ndjekin udhëzimet e personelit të sigurisë, si dhe të përfaqësuesve të Shoqërisë organizatore, mbi çështjet e sigurisë. Për çështje sigurie, është rreptësisht e ndaluar hedhja drejt turmës për t’u kaluar dorë më dorë (crowd surfing).
Shërbimi dhe përmbajtja e tij origjinale (duke përjashtuar Përmbajtjen e dhënë nga Ju ose përdoruesit e tjerë), veçoritë dhe funksionaliteti janë dhe do të mbeten pronë ekskluzive e Shoqërisë dhe licencuesve të saj. Shërbimi mbrohet nga të drejtat e autorit, marka tregtare dhe ligjet e tjera vendase dhe të vendeve të huaja. Në veçanti, të gjitha tekstet, titujt e faqeve, dokumentacioni teknik, imazhet, fotografitë, modelet, grafikat, logot, ikonat e butonave, skriptet, emrat e shërbimeve, të dhënat e produktit, ndërfaqet vizuale, markat tregtare, tingujt, muzika, videot, përmbajtja e transmetimit, programet kompjuterike dhe punimet artistike, duke përfshirë por pa u kufizuar në modelin, strukturën, përzgjedhjen, koordinimin, shprehjen që përmbahet në Shërbim është në pronësi ose kontrollohet nga Ne, ose është e licencuar nga Ne, dhe mbrohet nga legjislacioni për të drejtave të autorit, patentat dhe markat tregtare si dhe të drejtat e ndryshme të pronësisë intelektuale dhe ligjet e konkurrencës. Markat dhe veshja jonë tregtare nuk mund të përdoren në lidhje me ndonjë produkt ose shërbim pa pëlqimin paraprak me shkrim të Shoqërisë. Të gjitha markat e tjera tregtare që nuk janë në pronësinë tonë që shfaqen në Shërbim janë pronë e pronarëve të tyre përkatës, të cilët mund ose nuk mund të jenë filial i yni, të lidhur ose të sponsorizuar nga Ne. Ne mund të ndryshojmë përmbajtjen dhe karakteristikat e Shërbimit në çdo kohë. Ju nuk mund të kopjoni, përdorni, ribotoni, shkarkoni, postoni, ekspozoni publikisht, transmetoni, riprodhoni ose shpërndani në çfarëdo mënyre përmbajtjen (ose ndonjë pjesë të saj) në çfarëdo mënyre pa lejen tonë paraprake me shkrim, përveç nëse lejohet shprehimisht nga Kushtet. Është rreptësisht e ndaluar çdo përpjekje e paautorizuar për të kopjuar ose modifikuar përmbajtjen, ose për të anashkaluar ose eliminuar ndonjë nga karakteristikat e sigurisë të krijuara për të mbrojtur përmbajtjen.
Ju jepni pëlqimin për përpunimin e të dhënave të tuaja personale si: emrin; mbiemrin; adresën e postës elektronike; numrin e telefonit; adresën; dhe gjinin, me qëllim:
∙përpunimin e tij të garantuar sigurinë dhe disponibilitetin e shërbimeve tona;
∙përmirësuar shërbimet tona dhe kanalet e komunikimit;
∙marketingut dhe qëllime të tjera të marrëdhënieve me klientët;
∙menaxhimit të kontratave;
∙komunikimit dhe mediave sociale;
∙faturimin e shërbimit;
∙auditimi, kontrolli dhe shqyrtimi.
Të dhënat personale përpunohen dhe ruhen në mënyrë të sigurt nga punonjësit e autorizuar të Shoqërisë dhe do të shkatërrohen me përfundimin e periudhës tre vjeçare nga momenti kur Ju nuk e keni përdorur më Shërbimin. Ju, ose një përfaqësues i autorizuar, keni të drejtën në çdo kohë të kërkoj një kopje të të dhënave personale, të kërkoj korigjimin e tyre, dhe nëse është e nevojshme fshirjen e të dhënave.
Ju i transferoni të gjitha të drejtat, titujt dhe interesat për çdo Koment që i dërgoni Shoqërisë. Nëse për ndonjë arsye një transferim i tillë është i paefektshëm, Ju bini dakord t’i jepni Shoqërisë një të drejtë globale, pa pagesë, të parevokueshme, të vazhdueshme dhe jo ekskluzive, dhe licencën për prodhimin, riprodhimin, zbulimin, nën-licencimin, shpërndarjen, modifikimin dhe shfrytëzimin e Komenteve të tilla pa kufizim. Fotografitë, Imazhet dhe Regjistrimet Audiovizive Ne bëjmë rregullisht fotografi dhe video për qëllime promocionale dhe trajnimi dhe herë pas here marrim kërkesa nga stacionet televizive apo shoqëri të tjera për të realizuar filmime/fotografime në vende të caktuara. Duhet të dini se gjatë eventit apo gjatë aktiviteteve ku do të merrni pjesë, mund të jenë duke u realizuar filmime. Duke marrë pjesë në festivalin/koncertin/eventin e zgjedhur (dhe në aktivitetet e tij), ju pranoni të filmoheni / regjistroheni në video dhe/ose të fotografoheni, dhe pranoni t'i jepni Shoqërisë një të drejtë globale, pa pagesë, të parevokueshme, të vazhdueshme dhe jo ekskluzive, dhe licencën për përdorimin, riprodhimin, zbulimin, nën-licencimin, shpërndarjen, modifikimin dhe shfrytëzimin e këtyre fotografive, imazheve, videove dhe regjistrimeve audiovizuale pa kufizime. Ju i jepni Shoqërisë lejen të përdorin imazhin, zërin dhe pamjen tuaj për qëllime promovimi dhe trajnimi. Çdo fotografi e bërë në festivalin/koncertin/eventin e zgjedhur, qoftë në format dixhital apo analog, i nënshtrohet të drejtës dhe licencës, në të gjithë botën jo-ekskluzive, të përhershme, të parevokueshme, pa pagesë, për të përdorur, riprodhuar, zbuluar, nën-licencuar, shpërndarë, modifikuar dhe shfrytëzuar pa kufizim për Shoqërinë për përdorim në qëllime promovuese dhe trajnuese të festivalit/koncertit/ngjarjes. Çdo punim artistik apo performancë që përmban foton, imazhin, videon apo regjistrimin tuaj audioviziv sponsorizuar nga Shoqëria apo që realizohet në ambientet e festivalit/koncertit/eventit i nënshtrohet gjithashtu të drejtës globale, pa pagesa, të pakthyeshme, të vazhdueshme dhe jo-ekskluzive dhe licencës për përdorimin, riprodhimin, zbulimin, nën-licencimin, shpërndarje, modifikim dhe shfrytëzim pa kufizim nga Shoqëria për tu përdorur për qëllime trajnimi dhe promovimi.
Shërbimi ynë mund të përmbajë lidhje me faqe Interneti të palëve të treta ose shërbime që nuk janë në pronësi ose kontrollohen nga Shoqëria. Shoqëria nuk ka asnjë kontroll mbi dhe nuk mban asnjë përgjegjësi për përmbajtjen, politikat e privatësisë ose praktikat e ndonjë faqe interneti ose shërbime të palëve të treta. Në vijim ju pranoni dhe bini dakord që Kompania nuk do të jetë përgjegjëse civilisht apo penalisht, direkt ose indirekt, për ndonjë dëmtim ose humbje të shkaktuar ose të pretenduar të jetë shkaktuar nga ose në lidhje me përdorimin ose mbështetjen në çdo përmbajtje, mallra ose shërbime të tilla të disponueshme në ose nëpërmjet cilësdo faqe interneti ose shërbimesh të tilla. Ne ju këshillojmë që të lexoni kushtet dhe politikat e privatësisë të të gjitha faqeve të internetit ose shërbimeve te palëve të treta që vizitoni.
Ne mund të ndalojmë ose të pezullojmë menjëherë të drejtën tuaj të hyrjes, pa përgjegjësi apo njoftim paraprak, për çfarëdo arsye, duke përfshirë pa asnjë kufizim rastin kur Ju do të shkelni këto Kushte. Me mbarimin e të drejtës së hyrjes, do të pushojë menjëherë e drejta juaj e përdorimit të Shërbimit. Në këtë rast ju humbisni të drejtën të rimbursoheni për biletën e paguar.
Pavarësisht dëmeve që mund të shkaktoni Ju, e gjithë përgjegjësia e Shoqërisë dhe e Shërbimofruesve të saj e përcaktuar nga këto Kushte dhe mjeti juridik kompensues i juaj ekskluziv për gjithçka u tha më lart do të kufizohet tek shuma faktikisht e paguar nga Ju nëpërmjet Shërbimit. Nëse nuk keni blerë asgjë nëpërmjet Shërbimit, atëherë Shoqëria dhe shërbimofruesit e saj nuk do të mbajnë asnjë përgjegjësi në asnjë rrethanë kundrejt Jush. Në masën maksimale të lejuar nga ligji në fuqi, në asnjë rast Shoqëria apo shërbimofruesit e saj nuk do të jenë përgjegjës për asnjë dëm i tërthortë ose rastësor (duke përfshirë por pa u kufizuar në dëmshpërblimin për humbje të fitimeve, humbje të të dhënave apo informacioni tjetër, për ndërprerjen e biznesit, për lëndim fizik, humbje të privatësisë që lind nga ose në ndonjë mënyrë që lidhet me përdorimin e ose pamundësinë e përdorimit të Shërbimit, programe kompjuterike të palëve të treta dhe/ose pajisje kompjuterike të palëve të treta të përdorura me Shërbimin, ose që kanë lidhje me përcaktimet e këtyre Kushteve), edhe sikur Shoqëria apo shërbimofruesit të jenë këshilluar për mundësinë e këtyre dëmeve dhe edhe sikur mjeti juridik kompenues nuk e arrin qëllimin për të cilin përdoret.
Në festival/koncert/event nuk lejohet asnjë nga të mëposhtmet: substanca të paligjshme, droga, armë të çfarëdo lloji, përfshirë, por pa u kufizuar në, thika xhepi ose lëndë lotsjellëse për vetëmbrojtje me sprucim, lëngje ose artikuj të ndezshëm, përfshirë aerosole dhe fishekzjarre. Shoqëria nuk do të mbajë përgjegjësi për çdo humbje, dëmtim ose lëndim që mund të ndodhë në festival/koncert/event si rezultat i artikujve të tillë. Shoqëria rezervon të drejtën t’i kërkojë një pjesëmarrësi të largohet nga festivali/koncerti/eventi nëse sjellja e tij/saj konsiderohet e papërshtatshme ose perceptohet si kërcënim për sigurinë dhe mirëqenien e festivalit/koncertit/eventit dhe pjesëmarrësve. Ambientin duhet ta mbani të pastër. Shoqëria nuk mban përgjegjësi juridike dhe financiare për grindje të mundshme mes pjesëmarrësve, për dëmtimet apo humbjen e sendeve personale të pjesëmarrësve në festivale/koncerte/evente.
Shërbimi ju ofrohet për Shërbimet “Siç Janë” dhe “Sipas Disponueshmërisë” dhe me të gjitha gabimet dhe defektet pa ndonjë garanci të ndonjë lloji. Në masën maksimale të lejuar nga ligji në fuqi, Shoqëria, në emër të saj, në emër të anëtarëve të saj dhe licencuesve dhe shërbimofruesve të tyre përkatës, heq dorë shprehimisht nga të gjitha garancitë, qofshin ato të shprehura, të nënkuptuara, statutore ose të tjera, në lidhje me Shërbimin, duke përfshirë të gjitha garancitë e nënkuptuara të tregtueshmërisë, përshtatshmërinë për një qëllim të veçantë, titullin dhe mos-shkeljen, dhe garancitë që mund të lindin për shkak të trajtimit, gjatë performancës, përdorimit ose praktikës tregtare. Pa kufizime për sa më sipër, Shoqëria nuk ofron asnjë garanci ose sipërmarrje, dhe nuk bën asnjë deklarim të ndonjë lloji se Shërbimi do të përmbushë kërkesat tuaja, do të arrijë ndonjë rezultat të synuar, do të jetë i pajtueshëm ose do të funksionojë me ndonjë program kompjuterik tjetër, aplikacione, sisteme ose shërbime, do të funksionojë pa ndërprerje, do të përmbushë çdo standard të performancës ose qëndrueshmërisë ose do të jetë pa gabime ose që mund ose do të korrigjohen gabimet ose defektet. Pa u kufizuar nga sa më sipër, as shoqëria dhe as ndonjë nga shërbimofruesit e saj nuk bën asnjë deklarim ose garanci të ndonjë lloji, të shprehur ose të nënkuptuar: (i) sa i përket funksionimit ose disponueshmërisë së Shërbimit, ose informacionit, përmbajtjes, materialeve ose produkteve të përfshira në të; (ii) se Shërbimi do të jetë i pandërprerë ose pa gabime; (iii) për sa i përket saktësisë, qëndrueshmërisë ose përditshmërisë së çdo informacioni ose përmbajtjeje të dhënë përmes Shërbimit; ose (iv) se Shërbimi, serverët e tij, përmbajtja ose mesazhet e postës elektronike të dërguara nga ose në emër të Shoqërisë do të jenë pa viruse, gjuhë kompjuterike, kode kompjuterike të dëmshme, programe kompjuterike të dëmshme si “worms, malware, time bombs” ose elementë të tjerë të dëmshëm.
Ju merrni të gjitha rreziqet që rrjedhin nga ose lidhen në ndonjë mënyrë me rrezikun e prekjes nga një sëmundje ngjitëse ose sëmundje - duke përfshirë, pa kufizim, ekspozimin ndaj Covid-19 ose ndonjë bakterie tjetër, virusi ose patogjen tjetër të aftë të shkaktojë një sëmundje ngjitëse ose sëmundje, pavarësisht nëse ky ekspozim ndodh para, gjatë, ose pas festivalit / koncertit / eventit, dhe pavarësisht se si është shkaktuar ose kontraktuar - dhe me këtë ju hiqni dorë nga çdo dhe të gjitha pretendimet dhe pretendimet e mundshme kundër Shoqërisë dhe kundër ndonjë kompanie të lidhur meShoqërinë, në lidhje me rreziqe të tilla.
Shoqëria nuk ka dhe nuk do të ketë, dhe nuk ka mbajtur siguracion kundër të gjitha rreziqeve kundër të cilave zakonisht sigurohen shoqëritë që kryejnë biznes dhe/ose aktivitete të ngjashme, për zëvendësimin e plotë ose vlerën e rikthimit të biznesit dhe aseteve dhe në veçanti nuk ka pasur sigurimin e kërkuar me ligj, sigurimin për përgjegjësinë e produktit dhe të dëmshpërblimit profesional. Shoqëria nuk iu ofron Juve apo klientit/pjesëmarrësit ndonjë siguracion, as jete, as udhëtimi, as mjekësor apo për përgjegjësinë, për ndonjë sëmundje, aksident, lëndim, humbje ose dëmtim që mund të lindë në lidhje me pjesëmarrjen ose frekuentimin e festivalit/koncertit/eventit, duke përfshirë por pa u kufizuar tek aktivitetet e lidhura me të. Nëse dëshirohet ndonjë siguracion personal i ndonjë lloji, kjo është fakultative dhe Ju ose klienti/pjesëmarrësi mund ta marrë atë vetë. Kostot e siguracionit, të gjitha shpenzimet dhe incidentet të pa përmendura më lart janë përgjegjësia Juaj dhe e klientit/pjesëmarrësit në secilën dhe të gjitha aktivitetet e lidhura me festivalin/koncertin/eventin. Në rast se Ju ose klienti/pjesëmarrësi nuk zgjedh të marrë pjesë në koncert / festival / event, Juve ose klientëve / pjesëmarrësve nuk do t’ju ofrohet kompensim shtesë në shkëmbim dhe nuk do të ketë rimbursime. Krahas kësaj, Ju ose klienti/pjesëmarrësi garanton se nuk ka dijeni për ndonjë gjendje mjekësore të mëparshme apo lëndime që mund t’ju rrezikojnë Ju dhe/ose klientët/pjesëmarrësit nëpërmjet pjesëmarrjes në festival/koncert/event ose, nëse Ju dhe/ose klientët/pjesëmarrësit keni gjendje mjekësore ose lëndime të tilla, atëherë Ju dhe/ose klientët/pjesëmarrësit merrni përsipër të njoftoni me shkrim Shoqërinë përpara pjesëmarrjes në festival/koncert/event. Në këtë rast, Shoqëria do të mund të përcaktojë (në diskrecionin e saj) nëse klienti/pjesëmarrësi mund të marrë pjesë ose jo në festival/koncert/event.
Këto Kushte dhe përdorimi Juaj i Shërbimit do të rregullohen nga legjislacioni i Republikës së Shqipërisë, duke përjashtuar rregullat e tij për konfliktet ndërmjet ligjeve.
Nëse keni ndonjë shqetësim apo mosmarrëveshje në lidhje me Shërbimin, Ju bini dakord të përpiqeni në fillim ta zgjidhni mosmarrëveshjen jo zyrtarisht duke kontaktuar Shoqërinë. Në rast se diskutimet jo zyrtare nuk do të japin rezultat, gjykata kompetente për pretendimet do të jetë Gjykata e Rrethit Gjyqësor Tiranë.
Nëse ndonjë dispozitë e këtyre Kushteve konsiderohet e pa zbatueshme ose e pavlefshme, ajo dispozitë do të ndryshohet dhe interpretohet për të përmbushur objektivat e asaj dispozite në masën më të madhe të mundshme sipas ligjit në fuqi dhe dispozitat e mbetura do të vazhdojnë në fuqi dhe efekt të plotë.
Pëveçse siç është parashikuar në këtë dokument, mosrespektimi i një të drejte ose moskërkimi i përmbushjes së një detyrimi në bazë të këtyre kushteve nuk do të ndikojë në aftësinë e një pale për të ushtruar një të drejtë të tillë ose të kërkojë një përmbushje të tillë në çdo kohë më pas, e as një dorëheqje nga një shkelje nuk do të përbëjë dorëheqje nga çdo shkelje e mëvonshme.
Ne rezervojmë të drejtën, në discrecionin tonë të vetëm, të ndryshojmë ose të zëvendësojmë këto Kushte në çdo kohë. Duke vazhduar të hyni ose të përdorni Shërbimin Tonë pas hyrjes në fuqi të këtyre rishikimeve, Ju bini dakord të jeni të detyruar nga kushtet e rishikuara. Nëse Ju nuk bini dakord me kushtet e reja, tërësisht ose pjesërisht, ju lutem mos e përdorni më faqen e Internetit dhe Shërbimin.
Nëse keni ndonjë pyetje për këto Kushte, Ju mund të na kontaktoni: Nëpërmjet e-email: info@vivere.al
I gjithë rrugëtimi yt në këtë website është fryt i punës së Vivere Ticketing. Ti mund ta jetosh në maksimum, por gjithmonë duke respektuar të drejtat tona mbi pasurinë intelektuale.
