Në kuadër të Javës së Evropës, një nga aktivitetet kryesore është ndeshja e bamirësisë e organizuar nga Delegacioni i Bashkimit Evropian në Shqipëri më 8 maj në orën 19:00, në Qendrën Sportive të Federatës Shqiptare të Futbollit. 

Ekipi përfaqësues i BE-së do të përbëhet nga lojtarë nga ambasadat e vendeve anëtare, të cilët do të përballen me një skuadër të përbërë nga artistë, përfaqësues të organizatave jo-qeveritare dhe gazetarë nga Shqipëria. 

Kjo ndeshje 60-minutëshe, do të paraprihet nga një performancë nga artistja Kamela Islamaj dhe fituesi i i XFactor Albania, Alis Kallaci.

Të ardhurat e grumbulluara nga kjo ndeshje do të shkojnë për bamirësi për organizatën Streha.

Bli tani biletën tënde dhe përqafo diversitetin, gjithëpërfshirjen dhe të drejtat e njeriut!